erran, aktualitatea: Kirola

[Bideoa] Beti Gazte futbol taldeari ongietorri beroa egin diote berdez margotu den Lesakan (Mon, 14 Jun 2021)
Eibarren kontrako finala Beasainen luzapenean galdu arren, Beti Gaztek, hirugarren mailako talde berriak, ongietorri beroa jaso zuen larunbatean Lesakan. Berdez margotu zen herria, kamiseta, bufanda, bandera eta ke berdez. Sanferminen faltan, Beti Gazteko bandera dantzatu zuen Antton Petrirenak zubi gainean; Manolo Arozenak bi bertso kantatu zituen elkarteko leihotik eta Joseba Roteta entrenatzaileak, Oier Iantzi jokalari beteranoenak eta Jabier Maia kapitainak ere solastatu dute. Besta giro handia izan zuten larunbat arratsaldean Lesakan, 81 urteko historian lehen aldiz Beti Gazte hirugarren mailara igo dela ospatzeko. Irudiak: Jabier Zubieta eta Aitor Arotzena
>> más información

Doneztebeko mendi itzulia eginen dute igandean (Mon, 14 Jun 2021)
Erreka Kirol Elkarteak Doneztebeko Udalarekin antolatua, mendi ateraldia eginen dute ekainaren 20an 07:30ean udaletxetik abiatuta.
>> más información